Pregón Neghra Sombra 2019.- Viki Rivadulla

Boa tarde benvidos e benvidas a esta Revolta das Letras!

Antes de comezar coa lectura do pregón quero dar as gracias á organización por convidarme e darlle os parabéns por esta festa da que xa gocei o ano pasado e gustoume moito.

Ben, o primeiro que me veu a mente cando me falaron de ler o pregón de Neghra Sombra foi algo evidente: Rosalía. O nome do evento lévame directamente a ela, e con ela a dúas resistencias que para min son importantes e que son : a resistencia das mulleres e a resistencia da nosa lingua.

Por iso eu creo que hoxe estamos aquí na festa da resistencia.

Son dúas resistencias e dúas loitas que son fundamentais na miña vida e tamén no noso país. Seguir lendo “Pregón Neghra Sombra 2019.- Viki Rivadulla”

O Festival Neghra Sombra volve con forza para unha gran Revolta das Letras

Quince autoras e autores e unha ducia de concertos e outros espectáculos enche o cartel do festival do 11 de maio que se vén de presentar

A vila de Vimianzo acollerá unha nova edición do festival Neghra Sombra o sábado 11 de maio. Unha festa moi diversa na que conflúen diferentes estilos musicais, shows teatrais, literarios e poéticos, ademais de actividades para todas as idades. O exterior da Casa da Cultura de Vimianzo, no Agro de Trasariz, será desta vez o lugar onde se instale unha carpa con tres escenarios para os diferentes espectáculos e concertos.

A segunda edición da gran “Revolta das Letras” multiplica o número de creadores literarios que actuarán no festival intercalándose cos concertos. Revivindo o espírito do Batallón Literario da Costa da Morte de 1996, daranse cita en Vimianzo autores das comarcas do finis terrae como Suso Lista, Lola Canosa, Adhara Caamaño, Davide Creus, Estevo Creus, Suso Bahamonde, Vicente de Souza, Alberto Lema, Elena Busto, María Lado, Lucía Aldao, Lola Schutz, Rocío Leira, Daniel Salgado e Lëo Kch. Seguir lendo “O Festival Neghra Sombra volve con forza para unha gran Revolta das Letras”

Blog en WordPress.com.

Subir ↑